13 فبراير 2009 - 21.00:16
///
//
اليوم فكري مختلف
وبدأت أفكر بأنه هذا إلي من السويد ما ينفعني
يعني منو هو... و منو يستاهل أني أترك حياتي كلها هنا علموده
دوامي بالمستشفى والكلية... وأهلي وأصدقائي ..
أكو احد يستاهل هذا كله ؟؟؟ بصراحة ما أعتقد !!!!
وبنفس الوقت ما أنكر بأني فكرت بصاحبنا الساكت !!
وبالفعل لو هو تصرف وخطبني راح أقبل بيه ...
لأني على الأقل راح أحافظ على حياتي كلها ...
وهو يكون إضافة عليها ...
مو اترك كل شئ علمود واحد
وثاني شئ هذا يعرفني .. وعندنا مواقف وكلام سوى
ومن ناحية ثانية ... فكرت بأنه صاير كلش مكشووووف بنظراته ألي
وحتى ما يحسب حساب الموجودين بالمكان ..
مثل ما سوى قبل يومين
كانوا الأطباء والصيادلة بالممر
وهو كل ما تجي عيني بجهته أشوفه صافن بوجهي
إلى أن تركت خليل وسرى ورحت أوقع
وحتى لما رجعت رجع وراية ..
ومن وقعت وردت أطلع كان واقف لي بالباب ...
والله لو أي واحد ينتبه شوية يعرف بأنه عنده شئ وياية
بس أني لازم ما أنتظر إلى أن اسمع كلمة من أي احد
لهذا راح اعتكف بغرفتي .. أحسن لي
أخلص من نظراته ونظرات أصحابه .. ومن كلام الناس
وعلى الأقل أستفيد من وقتي بالمستشفى وأقعد أقرا عن الفايرولوجي .. وعن بحثي أكثر
لأني بالفعل نسيت كل شئ
وخاصة لو شفت بأنه أخذ النتائج الخميس
تطلع بالفعل كآآآبة ...
وراح ابقي على موقفي بالاختفاء منهم أكثر و أكثر
والله يكتب لي إلي بيه الخير
/
رخصة النشر (Syndication)
هذه المقالة لا تتوفر على تعليق لحد الآن...