صار لي مدة ما فتحت المدونة ,,, وحتى اليوم ما فتحت ,, وانقهرت لاني فكرت بأنها انغلقت
بس الحمد لله أخيرا فتحت

هذي الفترة الي فاتت صارت أشياء وأشياء

من داومت الاحد بعد ان خابرت منال باليوم الي قبله

بذاك اليوم من الصبح شفت صاحبنا بالطريق من جلال كان يوصلني أني وأية

وشفته وسلمت عليه لمن وقعت الصبح

وبعدها  بعد ان قلت لمنال وام يحيى بأني مو قابلة أبدا على ابو السويد

وبأني ما اقدر اتزوجه واسافر بعيد

واني بالغرفة ,,, اجة صاحبنا جايب نموذج جديد ,,,, واستلمته منه وضحكنا وفرحت بجيته كلش كلش

لاني حسيت بأني تركت ابو السويد ,,, والله عوضني عنه بهذا الي هو احسن منه

بس بذاك اليوم تلقيت صدمة مو طبيعية

ولهذا اليوم ما اعرف اذا اني فرحانى بيها او مقهورة ,,,, يمكن الاثنين

على الغدا ,,, من قلت ل الاء ,,, اجة دكتور ,,,, لغرفتنا اليوم
منى قالت ,, ها هذا ,,, هذا راد ايخطبج وقال لرجل مهى بس أني قلت له يامعود عوفها ماتقبل بيه

والله ما استوعبت الكلام من قالته ,,, وبقيت مصدومة

وما عرفت شلون اجاوب ,,, لهذا سكتت بس وما قلت اي شئ

يعني طلع هو خاطبني ,,, بس منى حتى ما كلفت نفسها بأن تقول لي

وهي اسخف الاشياء الي تخصها وتخص جلال وأية وهمام تذكرها اكثر من مرة

بس لمن واحد يخطبني ,,, تعتبر هذا الشئ مو مهم ان ينذكر اصلا

والله شغلة تقهر تدخلها بحياتي بهذا الشكل ,,,اوووووووف ,,,,, بس حسبي الله عليهم

المهم بعد ان عرفت هذا الشئ ,,, باليوم الثاني هو رجع اجانا للغرفة
بس اني والله ما عرفت شلون اتصرف ولا حتى سلمت عليه ,,, مع انه والله كان بنيتي ان اسلم عليه واضحك وياه هو وخليل

بس عدت الايام بذاك الاسبوع بدون اي سلام او كلام ثاني

الى الاسبوع الي بعده ,,,, هالمرة جا بيوم الاثنين

لانه يعرف بانه خليل يكون موجود بهذا اليوم

وجايب نموذج جديد ,,, استلمته منه ,,, وضحكنا كلنا وفرحت بمروره ذاك اليوم

ويوم الاربعاء شفناه اني وسرى لما مرينا نشتري وضكنا كلنا مرة ثانية

أحس بانه يحاول يتقرب حتى من سرى علمود يبين الشي طبيعي وما يبين كلامه وياية بالذات

وخاصة لانه عرف بأني ما عندي خصوصيات وية احد ,,, ولا اوقف وية احد وحدي

المهم هسة اني مجازة هذا الاسبوع .... ولا تمر فترة الا واتذكره بيها

وكيف أمحوك من اوراق ذاكرتي ,,,, وانت في القلب كالنقش في الحجر

يارب يشتاقلي هالفترة ,,,, ويفتقدني ,,,, واشوفه على خير

ويارب اجمع بيننا بالخير يارب