21 فبراير 2009
هذا الاسبوع صارت أشياء حلوة
في بداية الاسبوع كانت الامور عادي
بس يوم الثلاثاء دور على ومر على المختبر ...
وحتى منال انتبهت له
أما الاربعاء فكان أحلى يوم.....
لأني من الصبح اترقبت جيته... ورحت وقعت وهو موجود .. فشافني
وبعدها يمكن ما راح أصلا للأستشارية
لان بعد شوية منها أجتي منال علية
وقالت لي: ترى ..فلان .. راح يموت نفسه وأني بس أنداريت شفته هو ....
وبقى ييجي ويروح مرتين او 3
وبعدين وديت له الاشعة مال أسناني بالفعل هذا كان أحلى شئ سويته
لاننا صار عندنا موضوع مشترك على الاقل ,,,
وممكن نضحك بيه وبهذا الشكل أقدر احجي وياه عادي مثل أي طبيب أستشيره
وأن شاء الله راح أخليه هو يسويلي سني
وبهذا الشكل يصير السلام بيننا عادي .. أن شاء الله
وأني كلش فرحانة بهذا الشئ لاني أحس قربت منه أكثر
وعلى الاقل أقدر أحجي وياه مو بس مراقبني بعينه من مكان للثاني
ويارب أكتب لنا كل الخير ....
ياربي كلش حابه اشوفه وأحجي وياه
خاصة بعد ما قال لي خليل عن خفة دمه وشفتها أني صحيح من حجيت وياه ...
والله راح أفتقد شوفته هذا الاسبوع
أصلا أني من هسة مفتقدته
وأفكر بأنه راح ييجي باجر الصبح للمستشفى ويدور على
أتمنى بالفعل قلبه يحس بغيبتي ... مثل ما أني حسيت ذاك اليوم من شكيت بأنه ما مداوم
بس الحمد لله هو من نوع الي ما يغيب أبدا
الحمد لله ,,, الحمد لله
والله ما اعرف شلون راح تعدي هاي الفترة ...
أتمنى تمشي بسرعة
وبأذن الله ما أضعف في يوم واروح للدوام بحجة
الله يسهل
ويارب أختم قصتي وياه على خير وفرحة
لان قلبي هالمرة غير عن كل مرة
وهالمرة متفائلة خير
يارب لا تتركني وأكتب لي كل الفرح والخير
آآآآمين يارب
رخصة النشر (Syndication)