21 مارس 2009
صار الكثير والكثير
فأني أخذت اجازة اسبوع من الدوام
والله افتقدته بيها,,, ورحت يوم الاثنين للمستشفى
وشفته بأخر الدوام
وبعدها طول الاسبوع اتمنى اشوفه
المهم أجة يوم الاحد ,,, وشفته ,, وحسيته فررررح لمن سلمت عليه
وبعدها الاثنين هو ما داوم
بس الثلاثاء شفته من الصبح وراويته الاشعة وحجينا وضحكنا
والاربعاء يوم ما أنساه ,,,,
لانه أجة للغرفة وبقى هو وخليل يضحكون ويحجون
وكل شوية أيدخلوني بينهم
,,,, فرحت كلش كلش ذاك اليوم
بعدها بقت الامور بيننا عادي وسلام ,,, وابتسامات
الى يوم الاربعاء الي فات
وهو اليوم الي أجة بيه ابو السويد
,,,
,,,
,,,
الصراحة الولد هو زين بالشكل والشخصية ومرح
بس أني أبدا ما مقتنعة بشغلة السفر وترك كل شئ
,,, ما أنكر بأني فكرت بالموضوع بجدية
وشلت صاحبنا من بالي
وفكرت بأن هذا ممكن يكون زوج المستقبل
بس والله من صليت استخارة مرة ومرتين ودعيت اكثر من مرة
ما حسيت أبدا بأني مرتاحة للفكرة أبدا أبدا
وحسيت كأنه انتحار لو هروب من كل الدنيا
وهذي مو أني الي أسويها
ورجع صاحبنا يمر على بالي ,,,
وحسيت بأني ما قادرة أنساه
وخاصة من رحت يوم الخميس للمستشفى
ولمن مر من يمي أني ومنال
ولما سلمت عليه ,,, رد السلام بشكل ثاني
مو نفس سلامه وابتسامته
والله متت من القهر لما حسيت بزعله
وعندها فكرت بأني أفضل ابقى على حبه ونظراته الحنونة ,,,,
من ان أتزوج ابو السويد واسافر وياه بعيد
وهسة أني مرتاحة لاني خابرت منال وقلت لها بأني ابدا مو مرتاحة لشغلة ابو السويد ,,, ولا موافقة
وعرفت هسة بأني صدق أحبه ,,, ومو بس تقضية وقت ,,,
وبأني هالمرة متأملة خير,,,
واتمنى بأن يحجي ويتصرف بالموضوع
وعندي اعيش الحب ,, أحسن ما اعيش الواقع بدون حب
\
\
\
يارب اجمع بين كل حبيبين بالخير والحلال يارب
\
\
\
رخصة النشر (Syndication)